Grandpa has passed away. Ti has not slept since he found out 3 days ago. Finally, tonight he fell asleep and now I'm the one awake at 2:00 a.m. What finally helped Ti sleep is this poem he wrote about his Grandpa Tonga. He was able to retrieve comforting memories of the man who loved him and raised him. I hope he has the opportunity to read it to his family members during our stay in Utah.
Tukulaumea 'ae Kui 'Ofeina
Tapu moe 'Olovaha 'afio 'i Langi
Moe Ongo 'Apa'apa 'oe Tolu'i Fungani
Pea tulou moe kau taula'eiki 'oe 'Alofi
Kae 'atā keu 'a'apa mo fakalāngilangi
Ki si'i poutuliki moe taufatunga-e-fāmili
Tu'akoloa ē kuo lea mo ifi matangi
Pea 'ao'aofia e Matapā Kaho 'a Maui
He kuo folau hola e kauvai moe taki
Kia Toa-kuo-'i-'Eua, ko si'emau kui
Ano Māsima moe Pununga Tesaleti
Kuo pulonga mo langi 'ume'umesi
He tōtau 'ae 'eikivaka moe toutai
Mei he lolo tasilo 'oe Puatalefusi
'Io, na'a ne toutaiola 'i 'uta mo tahi
Pea ne siuola 'i fonua moe vā'ilangi
'O tu'uloa ai e kāinga moe fāmili
He fuo-moe-uho 'o 'ene talafungani
Si'i 'ene tou'anga talu mei 'anefi
Koe tokonaki ki 'a pongipongi
Tukutala mo tukulaumea ke 'osi
He koe kaha'u ia 'oe 'api masani
Lotu moe ako, ongo katea ne fili
Potupotutatau ai e folau tō mo hiki
Ngaholo ai e tuli kaveinga kupesi
'O taufonua ai e fononga he vaha fihi
Matakāinga na'a ne mo'ui'aki
Tufunga mo faivalea ko hono tavi
Tokamālie ai si'i kāinga ofi
He ko hono tufakanga mei tuai
Ka koe 'Otua e kāpasa 'ene mo'ui
Moe uhonga 'oe 'ene tauhi
Lavemonū ai si'i tautonu moe vūlangi
Moe hako 'e toki muiaki 'a mui
Tau:
Nofo ā si'i taulanga Puatalefusi
'Alo-i-Talau mo hono masani
Hala Pasiva'e 'oua e tangi
He kuo ne kelekele'aki e kolo fili
'O tatali ki ha toe fetaulaki
'I he 'alofilangi 'oe 'Otua mo'ui
Folau ā si'i kaivai 'o Lau mo Viti
No comments:
Post a Comment